كلمه الريّس للشعب

ياشعب يا حبيبى يا روحى يابيبى يا حطك فى جيبى يابن الحلال ياشعب ياشاطر ياجابر
خواطر ياساكن مقابر وصابر وعال يا شعب يا هايم وفى الفقر عايم وحاله ده حال احبك محشش مفرفش مطنش و دايخ
مدروخ واخر انسطال احبك مكبر دماغك مخدر ممشى امورك كده بستسهال احب الى يكذب و
احب الى ينصب و احب الى ينهب ويسرق تلال و احب الى شايف وعارف وخايف وبالع لسانه
وكاتم ما قال احب الى قافل عيونه المغفل واحب البهايم واحب البغال واحب الفاضى
واحب الى راضى واحب الى عايز يربى العيال واحب الياس واحب اللباس واحب الى محبط
وشايف المحال واحبك تسافر وتبعد تهاجر وتبعت فلوسك دولار او ريال واحبك تهلل تهبل
تطبل عشان ماتش كوره و فيلم ومقال واحبك توافق تنافق واحبك تؤيد تعدد تمجد توافق
تنافق وتلحس نعال ولاكن لو تفكر تقرر وتبدا تشاكل وتسال سؤال هه وعايز تتطور وعايز
تنور وتعملى روح مفرد رجال ساعتها هاجيبك لا يمكن هاسيبك وراح تبقى عبره وتصبح
مثال هابهدل جنابك وزل الى جابك وهيبقى عذابك ده فوق لحتمال وهزء سيتك وبهدل ساعتك
وتلقى كرامتك فى حالة هزال هتلبس قضيه وتصبح رزيه وباقى حياتك تعيش فى انهزال
هتقبل هاحبك هترفض هلبك هتطلع هتنزل هاجبلك جمال هتطلع
هتنزل هاجبلك جمال



ملحوظه: جمال هو: جمال مبارك

مشكووووووره بس مش غريب عليا الموضوع ده